شيحو الفلكي العالمي 00 ومجرود جارناوالكواكب

استعرض الموضوع السابق استعرض الموضوع التالي اذهب الى الأسفل

شيحو الفلكي العالمي 00 ومجرود جارناوالكواكب

مُساهمة من طرف فيصل محمد عوكل في الثلاثاء يناير 01, 2008 3:02 pm

شيحو الفلكي العالمي ومجرود جارنا والكواكب

كنت قاعد بفكر وين اقضي ليلة راس السنه ونفسي اشوف السنه وراسها لانه كل سنه بيطلع النا المنجمين وبيصبغو

راس السنه وسنه بيعملوها شقرة وسنه بيقولوا عنها بيضاء وسنه ثالثه بيعملوها حمرا والسنه كلها واحنا بنشط وبنط

والحكومات بتعمل على كيفها وبتحول شتاء عيونها لكندشه صيفها علشان هيك قلت اروح احتفل 00 وهون قبعت معاي

طيب وين اروح 0 وساعتها اتذكرت اغنيه بتقول يارب اطلع يارب اطلع الخشهزغيرة والباب مخلع وكنت اصدق المطرب واشفق عليه كيف ينزل المطر على نافوخه

وقررت احلق لراس السنه اذا شفتها مطلعه راسها وساعتها اشفقت عليها طيب مهو صحيح الليله قاعدة بتنازع والناس مكيفين انهم خلصوا من السنه

وجايه سنه جديدة بتلمع باولها وبنفرح بهبل واحنا مش عارفين شو بتخبي للناس السنة الجديدة وساعتها شرقت من نفس الارجيله لما اتذكرت عمايل الحكومات لانها بتطلع اشطر من الف منجم

واللي بدها اياه بتعمله كخطط خمسيه وخطط خمسينيه اذن ليش بيتهبل علينا المنجمين والنساوين بيقعدن ليلة راس السنه يستنوا المنجم يعطيهم طالع سنه بكاملها عن برج الجدي الي ذبحوه بالعيد وبرج الضور اللي طعنوه مصارعين الثيران باسبانيا
وبرج العقربه اللي لقطها الزارع دعسها بجزمته هرسها وبرج الاسد اللي حاطينه بحديقة الحيوان وصار حزين ماكل هوا الكلب وضعه احسن من وضع الاسد المحطوط بالقفص والاولاد بترمي عليه شبس
وانا صرت بدي اعيط على الاسد كيف اتبهدل اخر عمره
وكيف بده يفكر في راس السنه وكيف يعتبر ملك الغابه واله برج بالنجوم اسمه برج الاسد وهل المنجم يقصد الاسد في الغابه يعني ستكون السنه ام عن برج الاسد الماكل هوا بالقفص وهيك انا برتاح وقلت ياولد روح جيب منظار مكبر وشوف النجوم واحكي للنسوان قصص بالفضائيه بلكي صرت مشهور بدال ما تكون صحفي مقهور

ورحت حاطط المنظار على الشباك بالمطبخ وصرت اطلع على السما بلكي شفت اسد بخرمش او قرد بيقرمش ماشفت الى نجوم وشويه اقمارصناعيه امريكيه بتتبصبص علينا وبترصد حركاتن والله اعلم لمين بتبيع اخبارنا اللي مش ولابد
وبينما انا منسجم اخر انسجام واكاد افهم شغله علشان اصير فلكي عالمي سمعت دق على الباب مثل القصف العشوائي فخرجت وانا غاضب واشتم قليل الادب الذي يكاد يخلع باب غرفتي

وفتحت الباب فاذا بجارنا العتال حامل مجرود يرقصه بيده بغضب قائلا ما بتستحي على حالك قاعد بتتبصبص على مرتي وهي بتمشط بكشتها
فحاولت ان اوضح له ان الدنيا ليل وانا مش شايف بني ادمين انا بطلع على القمر فصاح وهو يقول عرفت انك بتطلع على مرتي لانها قمر وقبل ان اجيبه سمعت طقعة على صلعتي ورئيت النجوم كلها بلا منظار ولا يحزنون فقلت وانا اترنح من ضربت المجرود ياحسرتي عشر صنايع والبخت كملوها انت 000

_________________
(( الحمـد للـه ))
الحمـد لله الذي لا ينسى من ذكره..
والحمـد لله الذي لا يخيب من قصده ..
والحمد لله الذي من وثق به لا يكله إلى غيره..
والحمد لله الذي يجزي بالإحسان إحسانا"،وبالصبر نجاة وغفرانا".
والحمد لله الذي هو ثقتنا حين تسوء ظنوننا بأعمالنا
والحمد لله الذي هو رجاؤنا حين تنقطع الحيل عنا
والحمد لله الذي يكشف ضرنا بعد كربنا
avatar
فيصل محمد عوكل
مدير عام
مدير عام

عدد الرسائل : 914
المزاج : نص نص
تاريخ التسجيل : 08/08/2007

معاينة صفحة البيانات الشخصي للعضو http://shartoh.buygoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى