بورصه اسعار النسوان في عصر الوسوسه والخصخصه

استعرض الموضوع السابق استعرض الموضوع التالي اذهب الى الأسفل

بورصه اسعار النسوان في عصر الوسوسه والخصخصه

مُساهمة من طرف فيصل محمد عوكل في السبت مارس 15, 2008 6:13 am

الابلسه فى عصر الخصخصه والوسوسه ** شو مالك يابنت قاعدة بتلاطشي مثل المجنونه ومش شايفه الظو
--- ابعد عن خلقتي بلاش افش سمى فيك واعملك فضيحه تحرش واعتداء على الانثى في كفتيريا

***الله لايقيمك خليكي كلى حالك مثل النار وموتي بقهرك الحق على انا حابب اسمعك ومش هاين على اشوفك نازله عياط بدك تموتي من العياط خربتي مكياجك

--- مهو انا شايفك بدك اتموت من القهر وقاعد حاطط ايدك على خدك قلت هذا شب ماكل هوى مش ملاقي حق سيجارة واكيد مش ملاقي حق سندوش فلافل

*** اهيء اهيء اهيء اهيء مشان الله ذكرتيني انا شو خلاني احكي معاكي انا وضعي ماكل هوا على الاخر لاتواخذيني لاني عيطت بس الحال زفت بزفت

--- هاها جبنا الاقرع يونسنا كشف عن قرعته خوفنا طيب انا بنت وصارت البنت سلعه للبيع بعد ما الاهل رفعوا الدعم عن مهور البنات صار العريس ييجي يخطب البنت يطلع الها الف قريب وكل واحد بده عبايه وعرس فيه طخ وجخ وبيصير العرس للعريس خراب بيت وفخ صارت البنات كلهن عوانس مافيه حدى حاكيلهم وين رايحات

*** اه يابنت لاتحكيلي ولا بحكيلك صار الواحد يخاف يتجوز لانه مش رايح يقدر يخلف وساعتها بينفضح قدام مرته لانه الحكومات بدت بالخصخصه وانتهت حياتنا بالدسدسه وكيف بدنا نتجوز ياحسره علينا واحنا البطاله مخيمه علينا والرواتب مثل العمى اذا انوجدت الوظيفه ويادوب يقدر الواحد يقدريوكل لحاله والاسعار طارت للسما وصرنا بدنا نموت من الجوع صايبنا جفاف فقلنا خلينا نظاف خفاف لطاف بلا جواز خلينا مقطوعين من شجرة بلكي الحكومات صحيت يوم من الايام يلاقوا الشعوب انقرضت وانقطع نسلها من الجوع مايلاقوا من يحكموه

--- بخرب بيتك شو اللي قاعد بتحكيه يعني البنت اللى بدها تلاقي عريس رايحه تلاقيه خربان ومقطوعه خلفته ياحسرتك ياوهيبه الطمي ياسفيناز ياليلى انتحري يا اختي كان نفسك تخلفي قاروط تتسلي فيه اخر عنوستك وشو بدى احكيلك ياوداد تا احكي تعالي اسمعي شو بتحكي الشباب يا لهويتتتتتتتتتي على اخرتكم يابنات
*** ممكن اسالك مين هظول اللي بتول ولي عليهم

--- هظول خواتي عوانس كان نفسهم يتجوزو ويخلفوا

*** اه معك حق وكيف بدنا نخلف والحكوماكلها رفعت اسعار الخبز الحاف واللي كان يعرض الاكتاف وكيف الواحد كا ن وجهه احمر مثل الورد وصار اصفرمثل الميتين بعد رفع اسعار الكاز والديزل من البرد وكان يوكل جاج وكماج صار من الجوع صايبه سكاج وكانه مجفف وكيف بدنا نتجوز فهميني 00على فكرة شو اسمك

--- عانس اخت اعزب اخت عوانس بنت حالمه بالثروه على ظهرنا

** عاشت الاسامي يا اختى

--شو هاي يا اختى من وين جبتها انا قلت لقيت عريس ولو طفران شحاد مش ملاقي يوكل اسمه عريس

--- هلا هلا هاي طموحه على الاخر بس يا الله بيعوضني الله اتجوزك بس قديش تدفعي

--- شو شو يادلعدي انا ادفع يا مقلعط ياعرة الرجاله فشر عينك وعين اهلك انا قمر الف واحد بيتمنى يشوف اصبعي

*** بلاش منفخه هاي عمرك صار خمسه وعشرين سنه وكل الدنيا بتشوفك بتحطي مكياج علشان تلاقي عريس ودفعتي حق مكياج قد وزنك مصاري بلكي شافك واحد مطسوس على عينه بس هذا كان زمان يا عين امك
وكمان احنا ياستي بدناش نتجوز قديش تدفعي واتجوزك بلكي قدرت ادفع رسوم للحكومه ورفع اسعار وخلو رجل اجار للشقه ومواصلات ارتفعت وكله ارتفع الا اسعار البني ادميين نزلت قديش تدفعي وفورا بقوم اخطبك بدنا حوافز جواز وخلو رجل عزوبيه وضريبه مبيعات زواج
--- طيب شو رايك بديش مصاري مهر ولا بدي ذهب ولا غويشه ولا كوشه

*** ها ها ها ها هعهع هع كان زمان اليوم الدفع كاش ومفيش عريس ببلاش لانه النسوان عددهم اكبر من الرجال بكل دول العالم العربي وهيك في سوق عرض وطلب انا رفعت اسعاري واسمعي مني بلاش ابطل وارفع السعر اخليه بالدولار واليوروا
--- بيعوضني الله يالله ظل راجل ولا ظل حيطه


*** اه بس فيه اللي شروط
--- شو شروطك يا ابو زيد الهلالي ورامبوا زمانك
*** بكتب بعقد الزواج بتدفعيلي بدل اتعاب اذا خلفتي بنت بتدفعيلي بدل اتعاب الفين دولار واذا خلفتي بنت بتدفعي الفين دولار علشان هيك بتكوني رجعتي راسمالك بعهد ماتكبر وتجوزيها
--- روح يا بعيد يكسر خاطرك يابعيد

** وانت روحي يابعيده وحطي على حالك ملح وتخللي وتحنطي بدار ابوكي *

_________________
(( الحمـد للـه ))
الحمـد لله الذي لا ينسى من ذكره..
والحمـد لله الذي لا يخيب من قصده ..
والحمد لله الذي من وثق به لا يكله إلى غيره..
والحمد لله الذي يجزي بالإحسان إحسانا"،وبالصبر نجاة وغفرانا".
والحمد لله الذي هو ثقتنا حين تسوء ظنوننا بأعمالنا
والحمد لله الذي هو رجاؤنا حين تنقطع الحيل عنا
والحمد لله الذي يكشف ضرنا بعد كربنا
avatar
فيصل محمد عوكل
مدير عام
مدير عام

عدد الرسائل : 914
المزاج : نص نص
تاريخ التسجيل : 08/08/2007

معاينة صفحة البيانات الشخصي للعضو http://shartoh.buygoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى