ارجوكم حطوني وزيرا 00

اذهب الى الأسفل

ارجوكم حطوني وزيرا 00

مُساهمة من طرف فيصل محمد عوكل في الخميس مايو 24, 2012 12:55 am

Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Embarassed Embarassed Embarassed Embarassed Embarassed Embarassed ارجوكم حطوني وزيرا 00

عنجد شغله بتجنن الجن 0 وبتخلي الواحد ينضرب على نافوخه بمكنسه 0 الحكومه نازله طس فينا على راسنا وعلى قفانا بالاسعار

ورفعها وطبعا قلت بدي اشوف ليش الحكومه حاطه حطتنا ومستوطيه حيطنا 0 ومش ساله ان قطعت خيطنا

شو شايفيتنا مليونيريه
فقلت ياولد اعمل دراسه او شغله فيها فراسه وبتعرف
رحت على مول اسمعت عنه بس قلت تغيير جو واكتشاف شو بيبيعوا فيه 0 ومعاي حق كاسه شاي وارغيله وبس
لما دخلت لقيت طوفان بني ادميين بالمطعم بيطلبوا ومش ساليين كانهم عمرهم ما اكلوا وجايين ينتقموا من جوع مزمن
قلت حرام دشرك من هالشغله وامشي نسوان بتحبش تطبخ بدارها وينقل مقدارها وبدها تفرط جيب جوزها اجت هي واياه والاولاد
يلا مهو كل اسبوع مره حرام
دخلت لقيت النسوان بيستعرضن مع نسوان ثانيات شو عبت العربايه بتجرها وعربايه ثانيه بتحكي لولد زغير قائله ماما تعال هات العربايه نحاسب
يعني عربايتين 0 مابين ادوات وتحف واشياء لاداعي لذكرها
وادفع يارجال بلاش انكد على اهلك او بلاش تكسر خاطر الاولاد 00 يعني ينكسر خاطرك يابعيد اولا ولا يمكن كسر خاطر الزوجه والاولاد

وكنت اتفقد الوضع فوجدت بانني مجنون ان احضر على مول وانا حامل حق كاسه شاي وارغيله فهربت والهروب لمثلي اكرم لنفسي

نحن استعراضيون بالشراء بشكل جنوني 0 واستهلاكيون سلبيون بشكل نتفرد به

فهربت من المول 0 وما ان خرجت 0 لاتنفس الهواء النقي واهرب بجلدي من بازارات الاستعراض الاستهلاكي

حتى وجد ان الشارع لامكان فيه لكي اوقف سياره واروح للبيت بطلت اشرب شاي وبديش اتفرج
فاذا بالشارع كله سيارات خصوصيه وانا الاهبل الوحيد مش عارف وين اوقف ااشر لسياره تكسي
فقلت يا حبيبي كل واحد معه سياره 00 وكل واحد منهم كمان\ اكثر من خلوي واكثر من خط وخذ كذب وعرط وخرط
فقلت لحالي امشي وادفشها خليها ماشيه شو الك دخل

فدخلت شارعا وانا جاعص بالتكسي الطلب وعيني
على العداد وكان الشارع ضيقا فكل الشارع وعلى جانبيه سيارات ولامكان الى بطريق صعود او نزول فقال الشوفير شوف ياخوي 0
كيف بدنا انسوق وكل الشارع طلوع ونزول سيارات وكل واحد لازم سيارته قدان بيته يعني السيارات اكثر من البيوت وفي بعض بيوت الها اكثر من سياره

فهززت راسي حكيه صحيح

وبينما كنت في سياره على الطريق الصحراوي 0 ضحك السائق واشار الا راع يركب حمارا ويتكلم بالخلوى 00 والسوال مع مين بيحكي مثلا – ممكن بيبعث مسج للتيس يتابع المشي وما يوقف الا عند النبعه

فتطوع احد الركاب وقال ياجماعه 00 وحدوا الله 0 مهو فيه رعيان معهم لاب توب 0 وبيفسبكوا0 قلت شو بتحكي يارجال 0 هاي هزلت 00 قال ياسيدي هزلت طبعا هزلت 0
ولانني متعاطف مع الرعيان قلت ليش مهو الراعي بني ادم مثلنا ويمكن احسن منا بس شو بيكتب وشو بيكذب وعلى مين لاب توب على حمار ياجماعه بدكم تجننوني
وفعلا اكتشفتت بان نسبه هائله تمتلك لاب توبات ونازله فسبكه وكل واحد بيكذب بطريقته 0 وعامل حاله مهم لانه اسم حاطه مش اسمه وماحدى عارف حدى والا انكشفت الطبه والطابق واتبهدلوا من قرايبهم وبيصير اللاب توب ما اله قيمه عندهم
وهنا اكتشفت شيئا هاما 0 اذن من يمتلك سياره موديل جديد او حتى عتيق وطبعا لايركب مواطنونا الا سيارات اخر موديل
لانه احنا بريستيجينا مابيسمح النا غير هيك ولو بالدين ومرهونه السياره والدار والراتب
اذن كل الناس عندها سيارات وبدهم بنزين 0 بكميات كبيره 0 عشان يشموا الهوى 0 لاباس ان نزيد البنزين شويه قروش للخزينه ولانه عيونا فاضيه لن نقبل ان يرتفع سعر البنزين للسيارات 0 ويترك الكاز للتدفئه ليش اللي عنده صوبا احسن منى ما يدفع

وترفع الحكومه سعر النفط كله وبدشر الغاز حتى لاتعتصم النسوان فينهبل الرجال 00 فتركت الحكومه الغاز مشكوره 0

ولان كل الناس بتدخن والنسوان صارت اتسوكر او تشرب دخان 0 رفعوا الدخان 0
ورفعوا اسعار الخلويات لانه كل يوم بنغير موديل الخلوي على الموديل والحكومه مش هبله بتدرس شو بنوكل وبنشرب وكيف بنام كمان
سيارات = زائد = خلويات = زائد لابتوبات = زائد دخان = زائد زيارات للمولات 0 وشوفات بتقشعر البدن من العربايات والمشتريات

وشوفو اراغيل البنات والستات مدخنات على الاخر 0

وبنقول طفرانيين وبنشحد كيف افهمها فهموني اياها لما بكون رئيس وزراء كيف بدي اقتنع وامامي ارقام هائله بعدد السيارات المباعه للمواطنين 0 وكيف واحد طفران بيشتري سياره جديده بكذا الف دينار
وكيف بدي اقتنع ومبيعات المولات بالملايين شهريا 00 شو لمواطنيين من كوكب ثاني نازلين من الفضاء الخارجي
وملايين اجهزه الخلوي احدث الموديلات تباع سنويا وبعشرات الملايين
ومكالمات بعشرات الملايين 0 طيب طفرانيين وبنشحد مين اللي بيحكي بهاي الملايينن احنا بنحكي بس حكي وبندفع ملايين للحكي وطق الحنك
اما الفسبكه فحدث ولا حرج 0 واللاب توب على قفا من يشيل طيب ليش هيه ببلاش
اذن المواطن معاه مصاري يشتري كل هذه الكماليات والتى حولها لضرورات اذن لم لايريد ان يدعم الاقتصاد 0
هكذا تفكر الحكومات والا فلا 00
فلاتعتقدوا بان الحكومه مش عارفيتنا 0
شو رايكم بهيك نظريات اقتصاديه امانه ما بصلح اصير وزير على الاقل

_________________
(( الحمـد للـه ))
الحمـد لله الذي لا ينسى من ذكره..
والحمـد لله الذي لا يخيب من قصده ..
والحمد لله الذي من وثق به لا يكله إلى غيره..
والحمد لله الذي يجزي بالإحسان إحسانا"،وبالصبر نجاة وغفرانا".
والحمد لله الذي هو ثقتنا حين تسوء ظنوننا بأعمالنا
والحمد لله الذي هو رجاؤنا حين تنقطع الحيل عنا
والحمد لله الذي يكشف ضرنا بعد كربنا
avatar
فيصل محمد عوكل
مدير عام
مدير عام

عدد الرسائل : 914
المزاج : نص نص
تاريخ التسجيل : 08/08/2007

معاينة صفحة البيانات الشخصي للعضو http://shartoh.buygoo.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى